Демеу Жадыраевтың алғашқы қарсыласы анықталды

Париж Олимпиадасында грек-рим күресінен қазақстандық спортшы Демеу Жадыраевтың (77 келі) қарсыласы белгілі болды, деп хабарлайды Sport Plus Qazaqstan.

Жерлесіміз алғашқы айналымда эквадорлық Джейр Куеромен белдеседі. Бұл жұптың жеңімпазы шамамен Токио Олимпиадасының күміс жүлдегері, 2 дүркін әлем чемпионы Ақжол Махмұдовпен кездесіп қалуы әбден мүмкін.

Айта кетсек, грек-рим күресінен ел құрамасында Демеуден басқа Айдос Сұлтанғали (60 келі), Әлімжан Сыздықов (130 келі), Нұрсұлтан Тұрсынов (87 келі) бар.

5 тамызда Айдос Сұлтанғали алғашқы белдесунде Қырғызстан мықтысы Жоламан Шаршанбековке есе жіберді.