Дәулетбеков Азия чемпионатында қола жүлдеге ие болды (видео)
Азамат Дәулетбеков, Қазақстанның еркін күрес құрамасының атынан өнер көрсететін спортшы, Иорданияның Амман қаласында өткен Азия чемпионатында қола жүлдегер атанды, деп хабарлайды Sport+.
92 келіге дейінгі салмақ дәрежесінде үшінші орын үшін өткен белдесуде Дәулетбеков өзбекстандық Шерзод Поёновтан басым түсті.
Қазақстандық еркін күрес шебері 2:1 есебімен жеңіске жетіп, қола медаль иегері атанды.
Айта кетейік, біздің құрама Азия чемпионатын бес медальмен аяқтады. 74 келіге дейінгі салмақта Нұрқожа Қайпанов чемпион атанса, 97 келідегі Ризабек Айтмұхан мен 86 келідегі Болат Сақаев күміс жүлдегер атанды. Ал Азамат Дәулетбеков (92 кг) пен Рахат Қалжан (57 кг) қола медаль еншіледі.
