Еркін күрес шеберлері жекпе-жекке шығады. Ризабек пен басқа балуандардың Азия чемпионатындағы белдесулердің тікелей эфирі

29 наурызда Қазақстанның еркін күрес шеберлері Азия чемпионатының медальдары үшін күреске шығады.  

Еркін күрестің алғашқы күні құрлықтық чемпионатта Қазақстанның 5 өкілі жүлдеге таласады.  

Бұл тізімде ерекше орын алатын спортшы — U23, U20 және ересектер арасында әлем чемпионы Ризабек Айтмұхан. Ол 97 келі салмақ дәрежесінде жарысты іріктеу кезеңінен бастайды. Оның қарсыласы — индонезиялық Мұхамад Рудиансия.  

57 келі салмақ дәрежесінде 2022 жылғы Азия чемпионатының күміс жүлдегері Рахат Қалжан іріктеу кезеңінде кореялық Анмен кездеседі.  

65 келі салмақта Қазақстан атынан Нұрсұлтан Садық сынға түседі. Ол іріктеу кезеңінде тағы бір кореялық балуан Юнмен белдеседі.  

70 келі салмақта Азия чемпионаттарында алғаш рет бақ сынайтын Начын Куулар іріктеу кезеңінде қырғызстандық Ерназар Акматалиевпен кездеседі.  

Ал 79 келі салмақта сынға түсетін Азия чемпионатының жалғыз ширек финалисті Дәулет Ергеш іріктеу кезеңінен бірден ширек финалға жолдама алады.  

Бастапқы белдесулер 13:00–де басталады. 15:30–да жартылай финалдық кездесулер өтеді, ал 20:00–де финалдық белдесулер басталады.  

Барлық белдесулерді тікелей эфирде Sport+ телеарнасынан және sportplustv.kz сайтынан көруге болады.