Чесноковтың сұрмергендік сериясы ұзаққа созыла ма? «Тобыл» — «Шахтер» матчының тікелей эфирі

«Тобыл» мен Қазақстан құрамасының қазақстандық жартылай қорғаушысы Ислам Чесноков Қостанай командасы үшін соңғы 6 матчта 6 гол соғып, керемет формада. Бұл ретте қатарынан үш матчта Чесноков гол соқпай алаңнан кетпейді — ол нәтижелі соққылармен «Ақтөбе», «Елімай», «Атырау» командаларының қақпаларынан саңылау тапты.

28 қыркүйекте Ислам өз сериясын ұзартуға тағы бір мүмкіндік алады, кейінге қалдырылған матч аясында «Тобыл» өз алаңында турнирлік кестесінің аутсайдері «Шахтерді» қабылдайды.

Қарағандылықтар соңғы орында, олардың чемпионаттағы соңғы жеңісі 19 мамырда Рохер Каньястың голының арқасында бүгінгі қарсылас «Тобылды» жеңгенде орын алған болатын.

Нұрбол Жұмасқалиевтің шәкірттері «Атырау» мен «Елімай» командаларымен өткен сәтсіз ойындардан кейін «Ақтөбені» өз алаңында 3:0 есебімен жеңді. Бұл ретте «Шахтерді» жеңу арқылы қостанайлықтар турнир кестесінің ТОП-5 командаларының арасынан орын алуға көмектеседі.

«Тобыл» — «Шахтер» матчы 28 қыркүйекте сағат 18:00–де басталады. Тікелей эфирде ойынды Sport Plus Qazaqstan телеарнасынан, сондай-ақ sportplustv.kz сайтынан көруге болады