Бауыржан Байтана «Тұранмен» ойын туралы: Демалыстың алдындағы соңғы ойындар қиын өтеді
«Ақтөбе» командасының жартылай қорғаушысы Бауыржан Байтана Sport Plus Qazaqstan сайтына берген сұхбатында «Тұран» командасымен ойын туралы айтып берді.
- Демалыстың алдындағы соңғы ойындар қиын өтеді. Психология жағынан қиын болды, соған қарамастан мүмкіндіктер жасадық, соларды соғу керек еді. Осы ойында ең маңыздысы – 3 ұпай, - деді футболшы.
«Ақтөбе» сырт алаңда Жан Жайроның соғылған жалғыз голының арқасында «Тұранды» 1:0 есебімен жеңді. Қазақстан чемпионатының он турынан кейін «Ақтөбе» турнир кестесінде көш бастап келе жатыр.
