«Барыс» АҚШ клубтарының бұрынғы шабуылшысымен келісімшартқа қол қойды

«Барыс» Максвелл (Макс) Уиллманмен біржақты келісімшартқа қол қойды, деп хабарлайды Sport+ елордалық клубқа сілтеме жасап.

Келісім 2026 жылдың 31 мамырына дейін есептелген.

Форвард өзінің бүкіл кәсіби мансабын Солтүстік Америкада өткізген. Оның статистикасында Ұлттық хоккей лигасында («Филадельфия» және «Нью-Джерси» клубтарында) өткізген 68 матч бар. Уиллманның Қазақстанға келер алдындағы соңғы командасы — «Ютика» болды. Өткен маусымда ол АХЛ-дың тұрақты чемпионатында «Кометс» құрамында 69 ойында 30 (10+20) ұпай жинады.