Азат Мақсұм кәсіби мансабында алғаш рет жеңіліс тапты

АҚШ-та өткен UFC Fight Night 235 турнирінде Азат Мақсұм америкалық файтер Чарльз Джонсонмен күш сынасты, деп хабарлайды Sport Plus Qazaqstan.

Үш раундтың қорытындысы бойынша Джонсон төрешілердің шешімімен жеңіске жетті (29-28, 29-28, 29-28).

Осылайша қазақстандық жекпе-жекші кәсіби мансабында алғаш рет жеңіліс тапты. Бұған дейін ол 17 мәрте қарсыластарынан басым түскен еді.

Ал Чарльз Джонсонның активінде осымен 14 жеңіс, 6 жеңіліс бар. Айта кетейік, Джонсон 2022 жылдың қараша айында тағы бір қазақстандық файтер Жалғас Жұмағұловпен (15-9) жекпе-жек өткізіп, төрешілердің шешімімен жеңген еді.

Азат өткен жылы шілде айында UFC-дегі дебютінде АҚШ өкілі Тайсон Нэмді (21-14-1) ұтқан болатын.