Australian Open іріктеу сайысындағы қазақстандық теннисшілердің қарсыластары анықталды

Аустралия ашық чемпионатының іріктеу сайысына қатысатын қазақстандық теннисшілердің қарсыластары анықталды, деп хабарлайды sportplustv.kz.

Қазақстан теннис федерациясынан мәлім еткендей, әлемнің 188-ракеткасы Бейбіт Жұқаев іріктеу турнирінің алғашқы айналымында дүниежүзілік рейтингте 510-орында тұрған аргентиналық, 31 жастағы Николас Киккермен ойнайды.

Н.Киккер кезінде әлемдік рейтингте 78-сатыға дейін көтерілген.

Тағы бір қазақстандық, әлемнің 190-ракеткасы Денис Евсеевтің қарсыласы — рейтингте 169-сатыдағы украиналық, 26 жастағы Виталий Сачко.

Әлемнің 222-ракеткасы Тимофей Скатов рейтингте 154-орындағы босниялық, 31 жастағы Дамир Джумхурдан өтуге тырысып көреді.

В.Сачко мен Д. Джумхур — өз елдерінің бірінші ракеткалары.