Аслан Құсайынов: Олимпиадада Яковлев мансабындағы ең үздік нәтижелердің бірін көрсетті

Академиялық есуден Қазақстан командасының бас бапкері Аслан Құсайынов Париждегі Олимпиада ойындарын қысқаша қорытындылап өтті, деп хабарлайды Sport Plus Qazaqstan. 

Аталған спорт түрінен сынға түскен Владислав Яковлев 25-орын алған болатын. 

«Яковлев осы Олимпиадада төрт рет сынға түсті. Соңғы екі жарыста жеңіске жетті, бұл жалпы есептегі 25-орын. Соңғы бәсекеде 6.59 уақыт көрсеткіші тіркелді. Бұл Владиславтың ең үздік нәтижелерінің бірі. Бар күшін салды. Бұл – спорт, мұнда мықтылар жеңіске жетеді. Кім төрт жыл бойы жақсы дайындалса, соның жолы болады. Елге оралған соң бапкерлер сараптама жасап, қорытынды шығарады. Қателікпен жұмыс істейміз. Кәсіби спорт үнемі жетілуді талап етеді», - дейді бас бапкер.