Артур Шушеначев Израильге ұшып келді
«Қайрат» пен Қазақстан құрамасының шабуылшысы Артур Шушеначев «Хапоэль Беэр-Шева» сапына қосылады, деп хабарлайды Sport Plus Qazaqstan.
Қазақстандық футболшы медициналық тексеріс өтіп, жаңа клубымен келісім-шартқа қол қою үшін Израильге келді. Трансфер жылдам жүзеге асырылуда, өйткені 6 ақпан күні Израильде трансферлік терезе жабылады.
Трансфер бағасы жарияланбады, бірақ «Қайрат» Шушеначевтің «Хапоэльден» басқа клубқа ауысуынан белгілі бір мөлшерде пайда көреді.
«Хапоэль Беэр-Шева» Израиль чемпионатында төртінші орында, аталмыш клуб ел лидері «Маккаби Тель-Авивтен» 7 ұпайға ғана қалыс қалып келеді.
