Алмабаевтың жаттықтырушысы Базров: Біздің мақсат – UFC чемпионының белбеуі
Қазақстандық UFC файтері Асу Алмабаевтың жаттықтырушысы, Dar Team-нің мүшесі Эдуард Базров, 16 маусымда өткен жекпе-жекке қатысты өз әсерлерімен бөлісті, сондай-ақ, оның ең беделді ММА ұйымындағы болашақ мансап жоспарлары туралы айтты, деп хабарлайды Sport Plus Qazaqstan.
«Асу өнер көрсетуіне өте ризамын. UFC-де тағы бір жеңісіміз бар – бұл Асу үшінші жеңісі, сондықтан көңіл-күйіміз тамаша, көтеріңкі. Жұмысымызды жақсы көңіл-күймен жалғастырамыз. Иә, белгілі бір мәселелер болды – олар болатынын білдім, өйткені қарсылас бойының ұзындығымен 20 сантиметр артық болды. Антропометрия жағынан ол өте ыңғайсыз болды… Бірақ өзінің еңбекқорлығымен, жұмысқа деген көзқарасымен Асу бүгінгі күні басқа деңгейде екенін дәлелдеді. Топ-5-тегі қарсыласын шақырғаны дұрыс болды – өйткені біз осындай мықты жауынгерлермен бәсекелесе аламыз. Белгіленген мақсатқа қарай жүріп жатырмыз, жұмыс істейміз. Әрине, команданың аздап алаңдаған сәттері болды – шамалы емес: ол үшбұрышты бекіткен кезде бір сәт болды... Бірақ Асу бәрін бақылауда ұстады, бәрі жақсы. UFC рейтингіне ұмтыламыз – ертең жаңартылатын болады. Асу өзінің салмақ дәрежесінде әлемдегі ең мықты ұйымның Топ-15-іне кірсе, жақсы болар еді деп ойлаймын. Сонымен – бәрі жақсы, әрі қарай жүреміз. Үлкен жұмыс күтіп тұр – жаттығулар, дайындық. Жыл соңына дейін тағы бір жекпе-жек өткізіп, арманына, мақсатына жақындаймыз деп үміттенеміз. Ал біздің мақсат – UFC чемпионының белбеуі».
Алмабаев (20-2) өткен жексенбіде Лас-Вегаста UFC Fight Nights аясында америкалық Хосе Джонсонмен (16-9) кездесті. Жекпе-жек толық қашықтыққа созылып, қазақстандықтың бірауыздан қабылданған шешіммен жеңісімен аяқталды.
