Али Балоевтың шаршы алаңға қашан шығатыны жарияланды

Бірінші ауыр салмақтағы қазақстандық боксшы Али Балоевтың (13-2-1, 8 КО) қашан және қайда жекпе жек өткізетіні белгілі болды, деп хабарлайды Sport+

31-жасар Балоев 28 ақпан күні Астанада өтетін бокс кешінде өнер көрсетеді. Оның қарсыласы Қытай өкілі Вусхати Нюрланг (16-3-2, 13 КО) болмақ. Жекпе жек алты раундқа жалғасады.

Бұған дейін Балоев 24 шілде күні Мәскеуде (Ресей) шаршы алаңға шығып, жергілікті боксшы Виталий Кудуховқа (7-2, 3 КО) техникалық нокаутпен жеңілген еді. 

28-жасар Нюрланг болса, 16 қараша күні Тачэнде (Қытай) үшінші раундта конголық дебютант Мби Жозе Бальдоничеге (0-1) үстемдік танытқан. Бұрын қытай боксшысы екінші орта салмақтағы WBC Far East титулы мен жартылай ауыр салмақтағы WBO Oriental титулының иегері болған.