Айбота Ертайқызы көркем гимнастикадан медальға бір қадам қалғанда тоқтады

Чехияның Брно қаласында көркем гимнастикадан Гран-при сериясының соңғы кезеңі аяқталды, деп хабарлайды Sport Plus Qazaqstan. 

Аталған сында Қазақстан намысын Айбота Ертайқызы қорғады. 

Көпсайыс қорытындысы бойынша Айбота жетінші орын алып, үш жаттығу бойынша финалға шықты. 

Ақтық сынд ол ең үздік нәтижесін доп жаттығуында көрсетіп, төртінші орын алды. Ал таспамен жаттығуды бесінші орынмен аяқтаса, ұршық жаттығуында жетінші нәтиже көрсетті.