Қазақстандық гимнастшылар халықаралық турнирде жүлделі орындарды иеленді

Грекияда өткен көркем гимнастика бойынша Афродита Кубогы халықаралық турнирінде қазақстандық гимнастшылар алты медаль иеленді, деп хабарлайды Sport Plus Qazaqstan.

Доппен жаттығуларда Эрика Жайлауова «алтын» медаль жеңіп алды. Осы бағдарламада Айбота Ертайқызы үшінші орынға ие болды.

Айбота Ертайқызы булавамен жаттығулар финалында сәтті өнер көрсетіп, бірінші орын алды. Үшінші нәтижені Милана Парфилова көрсетті.

Лентамен жарыстарда Айбота Ертайқызы бірінші орынды иеленсе, Милана Парфилова «күміс» медаль жеңіп алды.