Реал 4:0 үшін есе қайтара ма? Испания Суперкубогының финалында Реал Мадрид - Барселона ойынының тікелей эфирі

«Реал Мадрид» үшін өткен маусым сәтті болды — Испания Суперкубогы, содан кейін Ла Лигада және Чемпиондар Лигасында жеңіске жетті. Сонымен қатар жаңа маусымда Карло Анчелоттидің шәкірттері УЕФА Суперкубогы мен құрлықаралық кубокты трофейлер қатарына қосты.

Дегенмен, «Реал» эль-классико аясында «Барселонаға» есе жіберді. Қазан айында командалар «Сантьяго Бернабеу» стадионында кездесіп, «Барселона» «Реалды» 4:0 есебімен ойсырата жеңген еді.

Бұл кездесуде дубльді Роберт Левандовский жасады, сонымен қатар Рафинья мен Ламин Ямал гол соқты.

«Реал» мен «Барселона» барлығы 258 матч өткізді, мадридтік клуб 106 рет жеңіске жетсе, каталониялық клуб есебінде 101 жеңіс бар.

259-шы Эль-классиконың алдында «Барселона» өте жақсы жаңалыққа ие болды, бас бапкер Флик Дани Ольмоны ресми ойната алады. Ол бірінші айналымға қатыса алмады. Сондықтан біз Испания құрамасының жартылай қорғаушысын Суперкубок өтетін Сауд Арабиясындағы алаңда көре аламыз.

Матчтың басталуы сағат 00:00–де. Тікелей эфирде кездесуді Sport+ Qazaqstan телеарнасынан, сондай-ақ sportplustv.kz сайтынан көруге болады.