Жан-Әли Пайруз Қазақстан – Норвегия ойыны туралы: Қарсылас құрамында Холланд және Эдегор бар, бірақ футбол - командалық ойын
«Елімай» футбол клубының жартылай қорғаушысы Жан-Әли Пайруз Sport Plus Qazaqstan сайтына Қазақстан мен Норвегия арасындағы УЕФА Ұлттар лигасының ойынына болжам жасады.
— Қызық ойын болады деген ойдамын. Норвегия құрамында Холланд және Эдегор сияқты әлемдік жұлдыздар бар. Алайда футбол — бұл командалық ойын. Біздің жігіттер бұл тұжырымы бірнеше мәрте дәлелдеді. Менің ойымша, жігіттер бұл жолы да жанкүйерлерді қуанта алады, — деді ұлттық құрамаға үміткер футболшы.
Қазақстан — Норвегия ойыны 6 қыркүйекте Алматының Орталық стадионында өтеді. Басталуы 19:00–де.
