Ыстамбұлдық сынақ. «Ыстанбұл Башакшехир» — «Бешікташ» матчының тікелей трансляциясы

Түркия Суперлигасының 22-туры аясында «Ыстанбұл Башакшехир» өз алаңында «Бешікташ» командасын қабылдайды.

«Ыстанбұл Башакшехир» қарқын алып келеді және жаңа жылы әлі жеңіліс тапқан жоқ. Алты ресми матчта тек бір ғана тең нәтиже тіркелді — «Ризеспормен» (2:2). Осы аралықта шабуыл шебі бес ойында 13 гол соғып, жоғары нәтижелілік көрсетті. Бұған қоса, команда сапында жарақат пен дисквалификация жоқ.

«Бешікташ» та сәтті сериясын жалғастырып келеді: қараша айынан бері команда жеңіліс көрмей, 13 матч қатарынан ұпай жоғалтқан жоқ. Дегенмен, соңғы төрт кездесудің үшеуі тең аяқталып, жеңіс қарқыны сәл бәсеңдеді. Есесіне, Асллани мен Туренің оралуы алғы шептегі мүмкіндіктерді арттырып, құрам тереңдігін күшейтеді.

Матчтың тікелей трансляциясы sportplustv.kz сайтында сағат 22:00-де қолжетімді болады.