Винисиус – ФИФА нұсқасы бойынша 2024 жылдың үздік футболшысы
«Реал» шабуылшысы Винисиус Жуниор FIFA The Best марапаттау рәсімінде 2024 жылдың үздік футболшысы атанды, деп хабарлайды Sport+.
Дауыс беру нәтижесінде бразилиялық ойыншы келесі кандидаттардан озып шықты: Джуд Беллингем, Килиан Мбаппе, Даниэль Карвахаль, Федерико Вальверде (бәрі – «Реал Мадрид»), Лионель Месси («Интер Майами»), Ламин Ямал («Барселона»), Эрлинг Холанд, Родри (екеуі де – «Манчестер Сити»), Флориан Вирц («Байер») және мансабын аяқтаған Тони Кроос.
Премия 2023 жылдың 21 тамызынан 2024 жылдың 10 тамызына дейінгі аралықта футболшылардың жетістіктерін ескерді. Жеңімпаз ұлттық құрамалардың капитандары мен бапкерлерінің, жанкүйерлер мен БАҚ өкілдерінің дауыс беруі арқылы анықталды.
