Тамирлан Гайтамиров хоккейден Қазақстан құрамасының осал тұстары туралы: Ойынның басындағы минуттарға көп көңіл бөлу керек

«Барыс» және Қазақстан ұлттық құрамасының қорғаушысы Тамирлан Гайтамиров Sport+ сайтына берген сұхбатында Оңтүстік Кореямен өткен қиын ойын туралы айтып, Азия ойындарындағы хоккей турнирінің топтық кезеңінің қорытындысын шығарды.

— Тамирлан, Оңтүстік Кореямен өткен матчпен топтық кезеңді аяқтадыңдар. Сол кезеңнің қорытындысын шығарайық.

— Иә, бес жеңіс тіркедік. Барлық матчтар әртүрлі өтті, бірақ қазір команда жақсы физикалық және моральдық жағдайға келді. Алғашқы мақсатымызды орындадық. Сонымен қатар, топтық кезеңде мүмкіндігінше аз гол жіберуді жоспарладық. Қақпашыларымызға барынша көмек көрсеттік, бірақ бір-екі сәтте қателіктер болды, үш гол жібердік. Команданың ішінде бәрі үйлесіп жатыр деп айтуға болады. Бастамамызды да жалғастырамыз, ең қызық сәттер әлі басталады.

— Бүгінгі қиын матч туралы айтып өтсек. Кореялықтар не ұсынды, алдыңғы қарсыластардан несімен ерекшеленді?

— Жақсы, жылдам және жақсы дайындалған команда. Бірінші кезеңді жақсы өткізбедік, бізден талап етілген әрекеттерді орындамадық. Кейін қайта қалыпқа келіп, екінші және үшінші кезеңдерде шайбаны бақылап, сәттер жасай бастадық. Міне, бірінші ауысымнан бастап осылай ойнау керек. Әрине, арнайы топтардың әрекеттері үлкен рөл атқарды, бұл өте маңызды аспект. Бүгін матчта барлық шайбалар да адам саны артық кезде соғылды. Дегенмен, «5 на 5» форматында да бізде екі жақсы сәт болды, бірақ гол соға алмадық. Сондай-ақ, шешуші сәттерде көшбасшыларымыз өз сөздерін айтты — Евгений Рымарев пен Роман Старченко өздерінің сүйікті комбинациясын тағы да орындады.

— Бұл сізде алғашқы Азия ойындары, айналадағы жағдайдан қандай әсер алдыңыз?

— Шынымен де, бұл команда үшін де алғашқы Азия ойындары. Әрине, бәрі қызықты. Біріншіден, бұл Қытай деген басқа ел, басқа мәдениет. Бос уақыттарда серуендеп, метроны зерттедік, ол арқылы осы үлкен қалада кез келген жерге жетуге болады. Көшедегі адамдар ашық, жақсы ниетті, бізді танып, суретке түсуге сұрау салады. Турнирдің ұйымдастырылуы да өте жақсы болды.

— Алда — плей-офф. Қандай маңызды сәттерге назар аудару керек деп ойлайсыз?

— Менің ойымша, бапкерлер штабы бізге қандай жақтарды күшейту керек екенін айтады. Бірақ менің жеке пікірім, матчтардың басына көңіл бөлу керек. Жапония және Кореямен өткен матчтарда бізде қиын бастама болды. Сол себепті бірінші минуттардан бастап ойынды өз бақылауымызға алып, осыған барынша көңіл бөлу керек. Қарсыласымыз кім болса да, біз үшін маңыздысы — өз ойынымыздың мазмұны. Алтын медаль алу үшін біз бәрін жеңуіміз керек.