Такуя Мацунага: Жапония – Азия Кубогының басты фавориті

«Елімай» сапындағы Бірінші лиганың жеңімпазы болған жапондық Такуя Мацунага Sport Plus Qazaqstan сайтына берген сұхбатында алдағы Азия Кубогына байланысты ойларымен бөлісті.

– Такуя, жақында сіздің туған Жапонияңыз қатысатын Азия Кубогы басталады. Турнирді бақылайтын боласыз ба?

 – Әрине, мен Жапония құрамасына жанкүйер боламын. Бізбен бірге топта Ирак, Вьетнам және Индонезия сынды қарсыластар бар. Менің ойымша, біз алдағы ойындардың бәрінде жеңіске жетуіміз керек.

 – Сіздің ойыңызша, қай ұжымдар түрнирде таң қалдырады?

 – Өзбекстан мен Таиланд құрамалары қазір алға жылжуда. Сондықтан олар көбісін таңғалдыруы мүмкін.

 – Турнирдің фавориттері туралы айта кетсеңіз? Үздік болып қай құрама атанады?

 – Әрине, Жапония құрамасы басты фаворит. Бұл турнирді жеңеміз деп үміттенемін. Дегенмен, Оңтүстік Корея мен Сауд Арабиясын есептен шығаруға болмайды.

Азия Кубогы ойындарын Sport Plus Qazaqstan телеарнасынан тамашалаңыздар.