Тайсон Фьюри жеңілгеніне қарамастан Усиктен екі жарым есе көп гонорар алады

Аса ауыр салмақта әлемнің абсолютті чемпионы атағын сарапқа салған Александр Усик пен Тайсон Фьюридің қанша ақша алатынын белгілі болды, деп хабарлайды Sport Plus Qazaqstan.

The Independent басылымының жазуынша, жалпы жүлде қоры 150 миллион доллар болып бекітілген. Жекпе-жектің нәтижесіне қарамастан бұл соманың 70 пайызын Тайсон Фьюри алса, қалған 30 пайызы Усикке тиесілі. Яғни, британдық боксшы шамамен – 105 млн доллар, украиналық – 45 млн доллар алады.

Жекпе-жек алдында қос боксшы өзара уағдаласып, Усик Фьюриді гонорарының 1 млн долларын Украинаға беруді көндірген екен.

Келісімшартқа сәйкес, Фьюри мен Усик биыл қазан айында матч-реванш өткізуі тиіс.