«Снежные Барсы» Новомосковскіден сенімді жеңіспен оралды
«Снежные Барсы» МХЛ маусымының сырт алаңдағы ойындар сериясын жалғастыруда, деп хабарлайды Sport Plus Qazaqstan.
Ярославльдегі екі овертаймдағы жеңілістен кейін қазақстандық команда Новомосковскіге, АКМ командасына қонаққа аттанды.
Ойын 8:3 есебімен астаналық команданың пайдасына аяқталды. Бейбарыс Оразов пен Владимир Корчагин екі шайбадан соқты, ал Семен Симонов, Кирилл Канкин, Кирилл Ляпунов және Артур Гросс бір-бір голдан ерекшеленді.
«Снежные Барсы» келесі матчын 7 қыркүйекте сол Новомосковскіде өткізеді.
