«Снежные Барсы» «Локо-76» командасына қарсы екінші матчты да овертаймда өткізді

Қазақстандық «Снежные Барсы» командасы Ярославльде жергілікті «Локо-76» командасына қарсы МХЛ тұрақты маусымы аясында екінші матч өткізді, деп хабарлайды Sport Plus Qazaqstan.

«Снежные Барсы» есепте алда болып, жеңіске үміт артқанымен, овертаймда 5:4 есебімен жеңіліп қалды. Астаналықтар сапында Кирилл Ляпунов дубль жасаса, Илья Шапоров пен Владимир Корчагин бір-бір шайба салды.

Кеше де «Локо-76» қазақстандықтарды тек овертаймда жеңген болатын, осылайша «Снежные Барсы» Ярославльдегі сырт алаңдағы сериядан екі ұпай алды.