Сергей Морозов Жалғас Жұмағұлов туралы: Жаңа промоушенде ол өзін жақсы жағынан көрсетеді деген үміттемін
UFC лигасының бұрынғы жауынгері Сергей Морозов Sport+ сайтына берген эксклюзивті сұхбатында Жалғас Жұмағұловтың кезекті жекпе-жегі, «Еркін күш» жекпе-жек клубының жаңа буыны және қайырымдылық қорларымен ынтымақтастық туралы айтып берді.
— Жалғас Жұмағұлов OKTOGON лигасындағы Аарон Эйбимен жекпе-жегінен не күтеді? Жалғас жекпе-жекке қаншалықты дайын?
— Жалғасты жақсы білемін, оның әлеуетін білемін. Біз одан тек жеңіс пен жарқын және жақсы жекпе-жек күтеміз. Ол жеңіс сериясына оралды, мерзімінен бұрын жеңістер бар. Бұл промоушенда өзің жақсы көрсетеді деп үміттенемін. Қызықты жекпе-жектер көрсетеді деген ойдамын. Оның дайындығы жемісті болды. Ол жастармен бірге жаттығу өткізіп, мансабындағы ең жақсы бабында жүргендей сезінетінін айтты.
— Сіз қазір мүлдем жекпе-жекке шықпайсыз, бірақ арасында «Еркін күшке» жаттығуға келіп тұрасыз. Қасыңызда жаттығып жүрген жақынарада аты шығатын жігіттер көп пе?
— Сіздер біздің жастарды білесіздер. Қазір жаңа буын жауынгерлері өсіп келе жатыр. Мен мансабымды аяқтадым. Жалғас, Дәурен және Гойти да, менің ойымша, жақын арада мансаптарын аяқтау туралы ойланады — уақыт өтуде, олар жасарып жатқан жоқ. Бұл өмірде одан да маңызды істер бар. Қазір бізде жауынгерлердің тағы бір буыны — Нұрбек Қабдрахманов, Дастан Амангелді, Әліби Ыдырыс, Бағдат Жұбаныш, Жәнібек Тынышбек, Ғазиз Аманжолов сында буын өсіп келе жатыр. Болашақтары зор көптеген талантты жауынгерлер бар. Жақсы деңгейде ересек жауынгерлер де бар, бірақ жұмысқа байланысты олар өздерін әлі көрсетпеді. СОБР-да жұмыс істейтін Айдын Төлебай бар. Ол көптеген қазақстандық турнирлерді жеңіп алды, панкратион мен қоян-қолтық жекпе-жектен халықаралық деңгейде үздік атанды, бірақ әлі кәсіпқойлар арасында өнер көрсетпейді. Сондықтан күте тұрыңыз, Алла Тағаланың қалауымен көп ұзамай «Еркін күш» жауынгерлерінің үшінші буыны еліміздің атын шығарады.
— Әлеуметтік желілерде сіз кофеханамен бірлесіп қайырымдылық акциясы туралы ақпарат жарияладыңыз. Осы шара туралы толығырақ айтып беріңіз?
— Б3здер пайдалы істермен айналысуға тырысамыз. Бізге қатысты дүниелермен ғана емес, адамдарға да көмектесеміз. «Асар-Уме», 100 дос, Человек в маске атты қайырымдылық қорларымен барлық клубпен ынтымақтасамыз. Ақтөбе және Қазақстанның басқа да қалаларында өтіп жатқан акцияларға қолдау көрсетеміз. Мұқтаж адамдарға көмектесу біздің мақсатымыз. Қазір адамдардың бір-біріне көп көмектесетін жақсы үрдіс пайда болды. Баспанасыз болған көптеген отбасылар үйлі болып жатыр. Бір-біріне көмектесу мұмкіндігі — бұл Алла Тағаланың рақымы.
Сергей Морозов UFC-де бес жекпе-жек өткізді, оның үшеуінде жеңіске жетті, екеуі жеңілді. Ол соңғы рет 2022 жылдың желтоқсанында американдық жауынгер Джорни Ньюсонға қарсы төбелесіп, төрешілердің шешімімен жеңіске жетті. Осы жекпе-жектен кейін Морозов ММА-дағы кәсіби мансабын аяқтауға шешім қабылдады.
