Санатали Төлтаев Қазақстан чемпионатының ширек финалына сенімді өтті (видео)

Маңғыстау облысының атынан өнер көрсетіп жатқан боксшы Санатали Төлтаев Қарағандыда өтіп жатқан 2024 жылғы Қазақстан чемпионатында сенімді жеңіске жетті, деп хабарлайды Sport+.

Төлтаев өз жекпе-жегінде Бағлан Тұрғанбаймен кездесіп, оны 5:0 есебімен жеңді. Бұл жеңіс Санаталиге 67 келі салмақ дәрежесінде турнирдің ширек финалына өтуге мүмкіндік беріп, медальдар үшін күресін жалғастыруға жол ашты.

Айта кетейік, Санатали Төлтаев 2017 жылы жастар арасындағы Азия чемпионы және 2019 жылғы ересектер арасындағы Азия чемпионатының қола жүлдегері. Сондай-ақ оның кәсіби бокста екі жекпе-жегі бар, екеуінде де жеңіске жетіп, біреуін нокаутпен аяқтаған.