Сағындық Мекеев Сағын – да Сильва жекпе-жегі туралы: Қазбек бәрін дұрыс жасаса, жеңіске жетуі керек

ММА, панкратион және грэпплинг федерациясының президенті Сағындық Мекеев Қазбек Сағын мен Маурисио да Сильва арасындағы жекпе-жекке қатысты өз болжамымен бөлісті, деп хабарлайды Sport Plus Qazaqstan:

«Қазбек бұл жекпе-жекте жеңуі керек деп ойлаймын, тіпті ол көптен бері төбелеспеген болса да. Қазбек үшін ең бастысы — асықпау, алғашқы минуттарда бірден шабуылға шықпай, дұрыс тактиканы таңдап, минут сайын ілгерілей беру. Егер Казбек бәрін дұрыс жасаса, ол жеңіске жетуі керек. Да Сильва да осал емес. Жекпе-жек өте қызықты болады деп сенемін. Қазбектің жеңісіне сенемін, бірақ бұл ММА, мұнда бәрі болуы мүмкін. Егер біз бір жауынгерге жеңіс мүмкіндігін берсек, бұл оның жеңіске жететінін білдірмейді. Біз оған шағын мүмкіндік береміз, бірақ ары қарай тор жабылып, бәрі 50 де 50 болады».

Жекпе-жек 22 қыркүйекте Алматыда NAIZA турнирі аясында өтеді.