Рүстем Құдайбергенов: Мен екінші раундта оң қолымды сындырып алдым

NAIZA 59 турнирінің аясында қазақстандық жауынгер Рүстем Құдайбергенов қарсыласы реселік Иван Данилинді жеңгеннен кейін пікір бөлісті, деп хабарлайды Sport Plus Qazaqstan.

- Мені бүгін қолдап келгендеріңіз үшін үлкен рахмет! Ал бұл жекпе-жектің қиындық тудырған жері – ол қарсыласымның басының қаттылығы. Мен екінші раундта оң қолымды сындырып алдым. Нұрбек ағаға осындай мүмкіндік бергеніне рахмет айтамын. Жекпе-жекке дайындық аз болды, бірақ ол сіздің көңіліңізден шықты деп ойлаймын. Мен арқашанда – жеңсем де, жеңілсем де – қазақтың жауынгерлері мықты батыр екенін әлемге дәлелдегім келеді. Бізде, қазақтарда, осал жігіттер жоқ, бәрі – батыр, бәрі – тау! - деді Құдайбергенов.

Жауынгерлер үш раундтық жекпе-жекті нағыз шоуға айналдырды. Текетірестің қорытындысы бойынша төрешілердің шешімімен Құдайбергенов жеңіске жетті.