Реджинальдо: «Ордабасыға» қайта чемпион болуына көмектесемін»

30 жастағы бразилиялық қорғаушы Реджинальдо Sport Plus Qazaqstan сайтына берген сұхбатында «Ордабасыға» ауысқандағы әсерімен бөлісті.

- Мен бұл жаңа сынаққа өте қуаныштымын және ынталымын. 2024 жыл «Ордабасы» үшін жеңісті жыл болмақ. Өткен жылы клуб чемпиондық атағын жеңіп алғанын білемін. Мен келесі маусымда осы жетістікті нығайту үшін бар күшімді саламын, – деді бразилиялық аяқдопшы.

Бұған дейін «Ордабасы» өкілдері Meta-ratings.kz порталымен сұхбатында бразилиялықтың клубқа ауысқанын растаған болатын.

30 жастағы футболшының бразилиялық «Коритиба», «Атлетико Паранаэнсе», «Ювентуде» және т.б. клубтарында ойнаған тәжірибесі бар. Бразилияның В сериясында Реджинальдо 241 матч өткізіп, алты гол соғып, 14 нәтижелі пас берді. Сондай-ақ оның Бразилия чемпионатының жоғарғы дивизионында сегіз ойыны бар. Transfermarkt порталы оның нарықтық құнын 300 мың еуроға бағалайды.