Қазақстанның хоккейші қыздары Түркияда жеңіске жетті

Шайбалы хоккейден жасөспірім қыздар арасында әлем чемпионаты ІІА дивизионында сынға түсіп жатқан Қазақстан құрамасы Түркиядан басым түсті, деп хабарлайды Sport Plus Qazaqstan.

Әлем чемпионатындағы екінші ойында қазақстандық хоккейшілер Түркия қақпасына бірден шабуыл жасады.

Нәтижесінде бірінші кезеңде қарсылас құрамаға екі шайба соғып үлгерді.

Одан кейінгі кезеңдерде тағы төрт шайба енгізіп, Түркия хоккейшілерін 6:0 есебімен сүріндірді.

Түркия — Қазақстан 0:6 (0:3, 0:3, 0:0)

0:1. 1:40 — Яковлева
0:2. 1:57 — Зубкова (Феоктистова, Хохлова)
0:3. 13:46 — Крухольская (Зубкова)
0:4. 20:06 — Зубкова ГБ
0:5. 26:10 — Хохлова (Токкожа)
0:6. 34:10 — Раковская

Қақпашылар: Коксал (Акинч, 26:10–60:00) — Агеева.

Қазақстандық хоккейшілер 15 қаңтарда Ұлыбританияға 0:4 есебімен жеңіліп қалған еді. Енді олар алдағы ойынын 18 қаңтарда Латвияға қарсы өткізеді.

Тікелей көрсетілім елорда уақытымен 21:30–да Insport телеарнасынан басталады.