Қазақстандық теннисшілер юниорлар арасындағы әлемдік рейтингінде ТОП-100 қатарына енді

Қазақстандық теннисшілер ITF (Халықаралық теннис федерациясы), TE (Еуропа теннисі) және ATF (Азия теннис федерациясы) нұсқалары бойынша әлемдік юниорлар рейтингінде жоғарылап келеді, деп хабарлайды Sport Plus Qazaqstan.

18 жасқа дейінгі ITF Juniors жаңартылған рейтингінде Амир Омарханов жоғары 14-ші орынды сақтап тұр, ал Даниал Рахматуллаев 73-ші орында. Қыздар арасында Соня Жиенбаева 29-шы орында, ал Асылжан Арыстанбекова ТОП-40-ты жабады.

14 жасқа дейінгі Tennis Europe рейтингінде Родион Трайгель 28-ші орында, Роберт Каминский — 33-ші, Ансар Ниеткалиев — 81-ші, Ахмади Маханов — 83-ші орында, қыздар арасында Линара Булешева 60-шы орынға көтерілді, ал Руслана Русланова 95-ші орында.

16 жасқа дейінгі ATF рейтингінде қыздар арасында Айша Сайран бірінші орында, екінші орынды Аделина Маманфина иеленеді.