Қазақстандық футболшы 34 жасында қайтыс болды

Қазақстандық футболшы Олжас Алтаев 34 жасында қайтыс болды, деп хабарлайды Sport Plus Qazaqstan қызылордалық «Қайсардың» баспасөз қызметіне сілтеме жасап.

Алтаев 2013 жылдан 2021 жылға дейін «Қайсар» сапында өнер көрсетіп, команданың мақсаттарына жетуге өз үлесін қосты. Ол Бірінші лиганың екі дүркін жеңімпазы және «Қайсар» құрамында Қазақстан кубогының иегері болды.

Сонымен қатар, Алтаев «Ақтөбе-Жас», «Астана-1964», «Ақ бұлақ», «Байқоңыр» және «Қызылжар» командаларының сапында өнер көрсетті.

Sport Plus Qazaqstan Олжас Алтаевтың мезгілсіз қайтыс болуына байланысты туыстары мен жақындарына көңіл айтады.