Қазақстан жастар құрамасы Минскіде өтетін халықаралық турнирге қатысады

17 жасқа дейінгі Қазақстан жасөспірімдер құрамасы «Даму кубогы 2024» халықаралық турнирінде өнер көрсетеді, деп хабарлайды Sport Plus Qazaqstan.

Турнир ақпанның 18-і мен 24-і аралығында өтеді, ал 17 жасқа дейінгі Қазақстан құрамасының оқу-жаттығу жиыны 10 ақпанда Талғардағы ҚФФ Ұлттық құрамалар базасында өтеді деп жоспарланған.

Естеріңізге сала кетейік, команданың жаңа аға бапкері болып қазақстандық маман Бауыржан Сағындық тағайындалды.

Турнирге сегіз команда қатысады: Қазақстан, Тәжікстан, Өзбекстан, Ресей, Әзірбайжан, Беларусь (барлығы U-17), сондай-ақ Беларусь пен Ресейдің 16 жасқа дейінгі құрамалары.

Командалар екі топқа бөлінеді. Қазақстандықтар «А» тобында Беларусь, Өзбекстан және Ресей U-16 құрамаларымен ойнайды. «В» тобында Беларусь U-16, Ресей U-17, Тәжікстан U-17 және Әзірбайжан U-17 құрамалары бар.

Айта кетейік, өткен жылы Александр Кузнецовтың жетекшілігімен 17 жасқа дейінгі Қазақстан жасөспірімдер құрамасы Минскіде өткен Даму кубогының күміс жүлдегері атанған болатын.