Қазақстан құрамасының шабуылшысы үш жылға дисквалификация алды
Дүниежүзілік антидопинг агенттігі (WADA) «Торпедо» клубының және Қазақстан құрамасының шабуылшысы Алексей Зубовты 2027 жылдың 10 желтоқсанына дейін үш жылға дисквалификациялау туралы шешім қабылдады, деп хабарлайды Sport+.
Азия чемпионатында алынған допинг сынамасынан тыйым салынған препараттың іздері табылған болатын. Хоккейшінің өзі анаболикалық стероидтың ағзасына қалай түскенін білмейтінін мәлімдеді. Зубовтың анализдерінен оралтуринабол анықталды — бұл метандростенолонға ұқсас әсері мен химиялық құрылымы бар анаболикалық стероид.
Қазіргі маусымда 27 жастағы форвард Қазақстан чемпионатының тұрақты біріншілігінде 22 матч өткізіп, 18 (3+15) ұпай жинады.
Бұл — Қазақстан хоккейі тарихындағы екінші осындай жағдай. Еске сала кетсек, 2013 жылы Қазақстан құрамасының шабуылшысы Илья Соларев сальбутамол құрамындағы препарат қолданғаны үшін екі жылға дисквалификацияланған болатын.
