Қазақстан құрамасының Олимпиадаға іріктеу ойындарына қарсыластары анықталды

2026 жылғы Олимпиада ойындарына хоккей іріктеуінің финалдық раундының жеребесі өтті, деп хабарлайды Sport Plus Qazaqstan.

Қазақстан құрамасы D тобына түсіп, Словакия, Австрия және Венгрия құрамаларымен кездеседі. Тек топ жеңімпазы ғана турнирге жолдама алады.

Ойындар 29 тамыз бен бірінші қыркүйек аралығында Словакия астанасы Братиславада өтеді.

Ерлер арасындағы хоккей турниріне дәстүрлі түрде 12 ел қатысады. 2023 жылғы әлем чемпионатының қорытындысы бойынша рейтингтің алғашқы сегіздігі, олимпиадалық іріктеуде жеңіске жеткен 3 құрама және қысқы Олимпиаданы өткізетін ел ретінде Италия құрамасы кірді.