Қазақстан құрамасы әлем чемпионатында Чехиядан басым түсті
Финляндияда өтіп жатқан шайбалы хоккейден жасөспірімдер арасындағы әлем чемпионатында Қазақстан құрамасы топтағы алғашқы жеңісіне қол жеткізді, деп хабарлайды Sport Plus Qazaqstan Olympic.kz сайтына сілтеме жасап.
Қазақстандықтар Чехия құрамасына қарсы ойнап, овертаймда 4:3 есебімен жеңіске жетті.
Келесі ойынды Қазақстан құрамасы 30 сәуір күні Канадаға қарсы өткізеді.
Айта кетелік, өз тобында соңғы орын алған командалар элитадағы орнын сақтау үшін өзара ойнайды.
