«Қайрат» «Реал Мадридпен» болатын матчтың алдында орталық қорғаушысынан айырылды

28 жастағы грузиялық қорғаушы Лука Гадрани «Қайрат» клубынан кетіп, израильдік «Бейтар» командасына ауысты, деп хабарлайды Sport+ Алматы клубының баспасөз қызметіне сілтеме жасап.

Лука Гадрани 2024 жылдың басында «Ақтөбеден» «Қайратқа» ауысқан болатын. Бұған дейін Қазақстанда ол «Тараз» клубының намысын қорғаған. Сондай-ақ, футболшының мансабында Латвияның «Валмиера», Грузияның «Цхинвали» мен «Рустави», және Иранның «Шахин» клубтары бар.

Ол Қазақстан премьер-лигасында барлығы 61 матч өткізіп, 5 гол соққан.

Бұған дейін ойыншының «Бейтар» клубына қысқы трансфер терезесінде ауысатыны хабарланған еді, алайда клубтар ерте келісімге келіп, трансфер мерзімінен бұрын жүзеге асты.