Путинцева Англиядағы турнирді сәтті бастады
Қазақстандық теннисші Юлия Путинцева Англияның Бирмингем қаласындағы турнирдің жұптық сынында алғашқы матчын өткізді, деп хабарлайды Sport Plus Qazaqstan.
Путинцева ресейлік спортшы Анастасия Потаповамен жұптасып, чех-ресейлік дуэт Барбора Крейчикова — Диана Шнайдермен кездесіп, үш сетте 3:6, 6:1, 10:7 есебімен жеңіске жетті. Матч турнирдің 1/8 финал кезеңінде өтіп, бір сағат 14 минутқа созылды.
Путинцева мен Потапованың ширек финалдағы қарсыластары кейін анықталады.
