Польша чемпионатының көшбасшысымен шайқас. «Шахтер» - «Котовице» матчын қайдан көруге болады

7 ақпанда қарағандылық «Шахтер» Польшаның «Котовице» клубымен матч өткізеді, деп хабарлайды Sport Plus Qazaqstan.

«Шахтердің» қарсыласы Польшаның екінші лигасының бірінші айналымын турнир кестесінің көшбасшысы ретінде аяқтады.

Команданың үздік сұрмерген - 10 гол соққан 24-жасар бразилиялық Джонатан Джуниор. 6 нәтижелі пасы бар үздіктердің бірі -  жартылай қорғаушы Томаш Качмарек.

«Шахтер» Түркия алаңдарында «Спартак-2» командасымен кездесіп, 2:2 есебімен тең түсті. Голдардың авторлары - Айбар Абдулла және Руслан Тұтқышев.

«Шахтер» - «Котовице» бақылау ойынынң тікелей эфирін Sport Plus Qazaqstan телеарнасы мен сайтында, сонымен қатар YouTube арнасында тамашалауға болады. Кездесу Астана уақытымен 14:00-де басталады.