Өзбекстан құрамасы Азия Кубогының үздіктер қатарында (видео)

Қатарда өтіп жатқан Азия Кубогында Өзбекстан мен Таиланд құрамалары арасындағы 1/8 финалдың ойыны өтті, деп хабарлайды Sport Plus Qazaqstan.

Ойын Өзбекстан құрамасының жеңісімен аяқталды – есеп 2:1. Азизбек Тургунбоев пен Аббосбек Файзуллаевтың голдары өзбек командасына жеңіс әкеліп, жарыстың ширек финалына шығуға мүмкіндік жасады.

Азия Кубогының келесі кезеңінде Өзбекстан құрамасы қазіргі чемпиондар және жарыстың иелері Қатар құрамасымен бақ сынасады.

Қатар – Өзбекстан ойынын 2 ақпан күні өтеді. Аталмыш кездесуді Sport Plus Qazaqstan телеарнасынан немесе sportplustv.kz сайтынан тікелей эфирде тамашалауға болады.