Нұрхан Жұмағазы: Кез келген жағдайға дайынмын

Қазақстандық файтер Нұрхан Жұмағазы Sport+ сайтына берген сұхбатында Alash Pride FC турнирінде қырғызстандық Ринат Саяқбаевқа қарсы өтетін алдағы жекпе-жекке қатысты ойларымен бөлісті.

— Нұрхан, дайындық қалай өтіп жатыр?

— Дайындық жақсы өтуде. Кез келген жағдайға дайынмын: мейлі күрес, мейлі аяқта тұрып айқасу болсын.

— Қарсылас туралы не айта аласыз?

— Қарсылас тәжірибелі. Кәсіпқой деңгейде 25 жекпе-жек өткізген. Бірақ бұл маған кедергі емес!

— Сіз үшін Саяқбаевты мерзімінен бұрын жеңу қаншалықты маңызды?

— Ең басты мақсат — жеңіске жету. Әрі қарай не болатынын 22 желтоқсанда көреміз.

— Жекпе-жек Шымкент қаласында өтеді. Сізді қолдауға кімдер келеді?

— Қолдауға келетіндер көп. 

— Жекпе-жектен кейінгі жоспарларыңыз қандай?

— Қазір басты мақсатым — осы жекпе-жекті сәтті өткізу. Әрі қарай жоспарымды айтармын.

Айта кетейік, Alash Pride FC турнирлерін тікелей эфирде Sport+ Qazaqstan телеарнасынан көре аласыздар.