Мүмкін 2-3 позицияны өзгертеміз: Горовенко Қазақстан жастар құрамасындағы жаңа ойыншылар туралы

Қазақстан жастар құрамасының аға бапкері Константин Горовенко Sport Plus Qazaqstan арнайы жобасында берген сұхбатында Түркиядағы оқу-жаттығу жиынында атқарылып жатқан жұмыстар туралы айтты.

- ҚФФ ұлттық құрамалар департаменті бізге жастар құрамасына үміткерлерді бақылау үшін Түркияға іссапар ұйымдастырды. «Шахтердің» ойынында біз үш футболшыны – Назымханов, Абдолла және Карпиковты – назарға алдық. Мен тек жұмысқа кірісіп, үміткерлермен таныса бастадым. Іріктеу циклі басталып кетті - жарыста 4 матч өтті, тіпті іріктеудің жартысы өтті деседе болады. Сондықтан команда құрамында жаңа футболшыларды көру екіталай, бірақ үміткерлерді мен өз көзқарасыммен таңдаймын, мүмкін 2-3 позиция өзгеріп қалар, – деді Горовенко.