«Мен алтын медаль алғым келеді»: Талғат Орынбасар дзюдодан жастар чемпионатына дайындық туралы

2-6 қазан аралығында Тәжікстан астанасы Душанбеде дзюдодан жастар арасындағы Әлем чемпионаты өтеді. Осы маңызды жарыста Қазақстанныңнамысын 19 дзюдошы қорғайды, деп хабарлайды Sport Plus Qazaqstan. 

Турнирде 67 елден барлығы 539 спортшы өнер көрсетеді. 60 келіге дейінгі салмақта өнер көрсететін Қазақстан командасының өкілі Талғат Орынбасар әлемдік біріншілікке дайындық туралы айтып берді.

«Турнирге дайындық қызу жүріп жатыр. Алматыда Әлем чемпионаты қарсаңында қорытынды оқу-жаттығу жиынын өткіземіз, тактика және лақтыру бойынша жұмыс жасаймыз. Бұған дейін Шымкент пен Ыстықкөл қалаларында (Қырғызстан) бабызға келу үшін жиын өткіздік. Дайындық кезеңі жемісті өтті, біз жақсы формада, ынталы болдық. Бұл менің үшінші әлем чемпионатым. Алдыңғы екеуінде мен қола жүлдегер болдым. Бұл жолы, әрине, мен алтын медаль алғым келеді. Бұл бастама бізге ересектер арасындағы әлемдік рейтингте көтерілуге көмектесетін қажетті ұпайларды береді. Өйткені, жақында біз үлкен жас санатына көшеміз және еліміздің атақты дзюдошыларымен бірге өнер көрсетеміз. Әлемдік біріншілікте біздің туымызды көтеру үшін қолымнан келгеннің бәрін жасауға тырысамын», — деді спортшы. 

Талғат Орынбасар — Әлем чемпионатының екі дүркін қола жүлдегері және дзюдодан жастар арасындағы Еуропа Кубогының иегері.

Душанбедегі әлемдік біріншілікке Қазақстан құрамасының құрамы келесідей:

Ерлер:
- 60 кг: Талғат Орынбасар, Алдияр Қарғұлов
- 66 кг: Ақылжан Жұбатқанов, Мағжан Әлжанов 
- 73 кг: Әділет Алмат
- 81 кг: Азат Күмісбай, Досбол Балғабай
- 90 кг: Асқар Біржанов 
+100 кг: Жантілек Нұртілепұлы 
Шерхан Алпанов (аралас-командалық есепте өнер көрсетеді)

Қыздар:
- 48 кг: Сабина Юлдашбекова, Тасним Абдуали
- 52 кг: Аяулым Қайрат, Аружан Ережепова
- 57 кг: Дана Әбдірова 
- 63 кг: Көркем Орымбек
-70 кг: Ажар Асхат, Диана Телбаева
+78 кг: Руслан Махатова