Мбаппе «Реалда» алғашқы жаттығуын өткізді

Француз шабуылшысы Килиан Мбаппе «Реалда» алғашқы жаттығуын өткізді, деп хабарлайды Sport Plus Qazaqstan.

Германияда өткен Еуропа чемпионатынан кейін командаға қайта қосылған ойыншылар: Даниэль Карвахаль, Джуд Беллингем, сондай-ақ Орельен Тчуамени, Эдуарду Камавинга және Ферлан Менди.

Айта кетейік, 3 маусымда Мбаппе «Реалға» ресми түрде қосылып, жылдық жалақысы 30 млн еуро және соғылған голдар үшін бонус қамтитын келісімшартқа қол қойды. Келісімшартта сондай-ақ 1 млрд еуро көлеміндегі өтемақы сомасы бар.