Италия кубогындағы миландық текетірес. «Милан» — «Интер» матчының тікелей эфирі

2-3 сәуірге қараған түні Миланда 2024-25 жылғы Италия Кубогының алғашқы жартылай финалдық матчы «Милан» мен «Интер» арасында өтеді.  

Жартылай финалға жету жолында екі команда да айтарлықтай қиындық көрген жоқ. «Милан» «Сассуолоны» 6:1, ал «Романы» 3:1 есебімен жеңсе, «Интер» «Удинезе» мен «Лационы» бірдей 2:0 есебімен ұтты.  

Алайда, жартылай финалға дейінгі кезеңдер бір кездесуден тұрса, финалға жолдама алу үшін командалар екі матч өткізеді.  

Чемпиондар Лигасынан шығып қалғаннан кейін, Италия Кубогы «Милан» үшін маусымдағы жалғыз трофей жеңіп алу мүмкіндігі және еурокубоктарға қатысуды қамтамасыз етудің соңғы амалы болып отыр. Өйткені, Консейсау баптайтын команда қазір А сериясында 9-орында тұр.  

Ал «Интер» керісінше, чемпионатта көш бастап тұр, Чемпиондар Лигасының ширек финалына шықты және Италия Кубогының жартылай финалында ойнайды. Команда маусым қорытындысы бойынша тарихында екінші рет требл жасауды көздеп отыр.  

Айта кетейік, биылғы маусымда өзара кездесулерде әзірге «Милан» басым түсті. Олар қонақта жеңіске жетіп, өз алаңында тең ойнады, сондай-ақ Италия Суперкубогының финалында жеңіске жетті.  

«Сан Сиро» стадионынан тікелей көрсетілім Sport+ Qazaqstan телеарнасынан, сондай-ақ Sportplustv.kz сайтында қолжетімді болады.