Испандық футболшы Родри «Алтын допты» жеңіп алды

Испания құрамасының және ағылшындық «Манчестер Сити» клубының жартылай қорғаушысы Родри (Родриго Эрнандес) «Алтын доп» иегері атанды, деп хабарлайды Sport+.

28 жастағы Родри 2024 жылғы Еуропа чемпионатының үздік ойыншысы деп танылып, бұл турнирде Испания құрамасы жеңімпаз атанған болатын. Сондай-ақ, ол «Манчестер Сити» сапында Англия чемпионатын жеңіп алды.

Родри ағылшын клубынан «France Football» журналының нұсқасы бойынша әлемнің үздік футболшысы атанған алғашқы ойыншы болды. Ол бұл атаққа «Реал Мадрид» пен Бразилия құрамасының шабуылшысы Винисиусты басып озу арқылы қол жеткізді.

Ал үшінші орынды «Реал» клубының жартылай қорғаушысы Джуд Беллингем иеленді.