«Интер Майами» Мессимен келісімшартты ұзартқысы келеді

«Интер Майами» клубының басшылығы шабуылшы Лионель Мессимен MLS-тің тағы бір маусымына келісімшартты ұзартуды жоспарлап отыр, деп хабарлайды Sport+.

Қазіргі келісімшарт 2025 жылдың соңына дейін жарамды. Журналист Гастон Эдулдың әлеуметтік желідегі мәліметінше, тараптар еңбек келісімін 2026 жылғы Әлем чемпионаты аяқталғанға дейін ұзартуға бейілді. Дегенмен, бұл мәселе әлі толық шешілген жоқ, бірақ келісімге жақын.

Лионель Месси 37 жаста. Жұлдызды шабуылшы «Интер Майами» сапында 39 матч өткізіп, 34 гол соғып, 18 нәтижелі пас берген.

Айта кетейік, «Интер Майами» MLS-тің тұрақты чемпионатын жеңіп алғанымен, плей-оффтың алғашқы кезеңінде жарыстан шығып қалды.