Ғалым Мамбеталиев: Ойын сәтсіз өтті
«Барыс» бас бапкері Ғалым Мамбеталиев «Салават Юлаевтан» 6:0 есебімен ірі жеңілістің себебін түсіндірді, деп хабарлайды Sport+:
«Шынын айту керек, ойын сәтсіз өтті. Бірінші кезеңде үш гол жіберіп алдық. Кейбір сәттерде жинақылық жетіспеді, қарымта шабуылдан гол өткізіп, бірнеше рет ереже бұздық. Кейін жігіттерден ойынды агрессивті түрде жалғастыруды сұрадық, бірақ жақсы мүмкіндіктерді пайдалана алмадық. Команда өзінің әдеттегі ойынына ұқсамады. Енді бәрін қайта қарап, келесі матчқа дайындалуға уақыт бар», – деді Мамбеталиев KHL.ru сайтына берген сұхбатында.
