Футболдан Қазақстан жасөспірім қыздар құрамасы Эстониядан жеңілді

Футболдан 19 жасқа дейінгі Қазақстан жасөспірім қыздар құрамасы 2024 жылғы Еуропа чемпионатына іріктеу сатысында Эстонияға жол берді, деп хабарлайды Sport Plus Qazaqstan.

Қазақстандық футболшылар В лигасының бесінші тобында сынға түсіп жатыр. Қарсыластары - Солтүстік Ирландия, Эстония және Грузия құрамалары.

Бүгін қазақстандық футболшылар Эстонияға 1:2 есебімен жол берді.

Ел құрамасынан Адия Асқарова 76-минутта мергендік танытты. Оған қарсыластар 42, 58-минутта екі гол соғып үлгерді.

Енді қазақстандық футболшылар 6 сәуірде Солтүстік Ирландия, 9 сәуірде Грузиямен кездеседі.

2024 жылғы Еуропа чемпионаты финалдық кезеңі 14-27 шілде аралығында Литва мемлекетінде өткізіледі.