Ермеков — Арышев жекпе-жегінің өтетін мерзімі белгілі болды

«Наше дело» лигасы ресейлік Дмитрий Арышев пен қазақстандық Дәурен Ермеков арасындағы реваншты жариялады, деп хабарлайды Sport+.

Реванш желтоқсан айында өтуі керек еді, алайда Дмитрий салмақ қуу кезінде дәрігерлердің шешімімен жекпе-жектен шығарылды. 

Жаңа өту мерзімі — 28 ақпан. Турнир Қазан қаласында өтеді.

Ермеков — Арышевтің жекпе-жегі кештің басты жекпе-жектерінің бірі болып, орта салмақтағы лига чемпионы атағы сарап салынады.

Даурен мен Дмитрий арасындағы алғашқы жекпе-жек даулы болды. Ресейлік жеңіске жетті, бірақ Ермеков көзге қарсылас саусағы кіріп кеткеннен кейін төбелесуді тоқтатқан еді.