Ербол Хамитов пара биатлоннан әлем кубогінде қола жүлдегер атанды

Финляндияда өткен пара биатлоннан әлем кубогі кезеңінде қазақстандық Ербол Хамитов (LW12 классы) 7,5 км спринтерлік жарыста 23:26.00 нәтижесімен қола медаль жеңіп алды, деп хабарлайды Sport+.

Бірінші орынды қытайлық спортшы LIU Zixu 22:38.05 нәтижесімен жеңіп алса, күміс жүлдеге оның отандасы LIU Mengtao 22:58.07 уақыт көрсеткішімен қол жеткізді.

Сондай-ақ, осы жарыстарда қазақстандық Александр Герлиц 7,5 км жарыста (LW6 классы) төртінші орынға табан тіреді.

Айта кетейік, пара биатлоннан әлем кубогінің бұл кезеңі 12–21 желтоқсан аралығында Финляндияның шығысындағы Вуокатти спорттық-туристік орталығында өтуде. Жарысқа әлемнің 21 елінен 120-дан астам спортшы қатысуда. Қазақстан құрамасы бұл додаға жеті спортшымен қатысып жатыр.